Црна Гора ја затвори границата со Босна и Херцеговина поради коронавирусот

Црна Гора ја затвори границата со Босна и Херцеговина и повторно воведе задолжително носење маски, откако епидемијата во државата беше засилена од навивачи кои се враќаа во Црна Гора од Србија преку Босна и Херцеговина.

Потегот е преземен затоа што повеќето од деветте активни случаи на коронавирус во моментот биле увезени од Србија од неодговорни лица кои влегле во Црна Гора преку Босна и Херцеговина.

Се работи за црногорски навивачи кои отпатувале во Белград преку Босна и Херцеговина за натпреварот помеѓу Црвена звезда и Партизан и се вратија на ист начин.