Се собраа 37 крвни единици на вчерашната крводарителска акција во Велес

Третата крводарителска акција организирана од Црвениот крст во соработка со Институтот за Трансфузиона медицина се одржа вчера во Велес.

Преку акцијата се собрани 37 единици крвни единици, три единици помалку од планот, со кој се очекуваа 40. Крв дариваа 29 велешани и осум велешанки.

Акцијата се организира поради вонредната состојба во државата и ниското ниво на залихи со крвни единици.

Во првите две вонредни крводарителски акции во април и мај се собраа по 63 единици. Освен вчерашната, пред една недела се одржа уште една крводарителска акција во касарната „Алексо Демниевски Бауман“ во Велес, каде што припадниците на армијата даруваа 25 единици.

И на вчерашната крводарителска акција се применуваа сите стандарди и процедури согласно состојбата во која се наоѓаме. Акцијата се одржа со помош на Општина Велес и Народниот музеј.

Можеби ќе ве интересира: