Комисијата за заразни болести денес одлучува дали границите со Србија и Косово повторно ќе се затворат

Денеска комисијата за заразни болести ќе разговара за повторно воведување режим на границите со Косово и Србија или затворање на граничните премини со овие земји, со оглед на тоа дека бројот на заразени од коронавирусот секојдневно расте.

„Комисијата за заразни болести активно ја следи епидемиолошката состојба со коронавирусот во регионот и соседните земји и можното враќање на мерките е во насока на превенција од потенцијални ризици по здравјето на населението во Северна Македонија“, велат од Министерството за здравство.

Во Србија според последните податоци, во последните 24 часа се регистрирани 359 нови случаи на коронавирус, а шест лица починале. Ситуацијата во Белград е најпроблематична затоа што 82,5 проценти од сите заразени се регистрирани во главниот град на Србија.

Можеби ќе ве интересира: