![Komemoracija Angel Petrov 2](https://i0.wp.com/batali.net/wp-content/uploads/komemoracija-angel-petrov-2.jpg?resize=618%2C300&ssl=1)
Комеморативна седница по повод смртта на академскиот сликар Ангел Петров се одржа денеска во Општина Велес. На комеморацијата присуствуваше семејството на Петров, негови пријатели и колеги, но и граѓани од општествено-политичкиот живот од градот.
Од Ангел Петров се простија градоначалникот на Велес Аце Коцевски, кој зборуваше за ликот и делото на најпознатиот академски сликар од овој град и Гоце Алексоски, директор на Гимназијата Кочо Рацин, каде што Петров помина значаен дел од својата просветарска работа, како професор.
![Komemoracija Angel Petrov 3](https://i0.wp.com/batali.net/wp-content/uploads/komemoracija-angel-petrov-3.jpg?resize=618%2C412&ssl=1)
Погребот ќе се изврши денеска во 12 часот, на гробиштата на црквата Св. Пантелејмон во Велес.
Ангел Петров почина завчера, во 87 година од животот. Тој е еден од најзначајните современи сликари во Македонија, уметник чија животна инспирација беше Коста Солев Рацин, сликар кој наслика убедливо најмногу портрети на Рацин.
Можеби ќе ве интересира: