Откриени 211 мигранти од кои 63 деца, возачот приведен

Рекорден број мигранти во камион полицијата фати синоќа, дваесеттина минути пред полноќ, во близина на селото Стојаково. Мигрантите биле товарени во камион марка „Даф“ со скопски таблички, кој се движел по земјен пат од Стојаково кон регионалниот пат Гевгелија – Богданци.

„Кога се вклучило на патот и се упатило кон Гевгелија, полициските службеници дале знак за запирање на возилото. При контрола, во возилото биле пронајдени 211 мигранти од Бангладеш и Пакистан. Од нив 144 се од Бангладеш, а 67 од Пакистан. Од вкупниот број на пронајдени мигранти 63 се малолетни лица. Мигрантите биле пренесени во Прифатниот транзитен центар во Гевгелија за понатамошна постапка, а возачот Е.П. (27) од Скопје бил приведен во Полициската станица Гевгелија и по целосно документирање на случајот против него ќе биде поднесена соодветна пријава“, соопшти МВР.

Можеби ќе ве интересира: