Филипче: Можни се рестрикции само ако се пополнат болничките капацитети

Министерот за здравство Венко Филипче кажа дека можна мерка забрана за движење, при рапидно зголемување на бројот на заразени со коронавирусот  може да има само ако се пополнат болничките капацитети.

„Ние во овој момент индикација за тоа немаме. Не може да живееме затворени и со рестрикција. Епидемијата ќе трае и после пронаоѓањето на вакцината додека не се вакцинира доволен процент на населението“, рече Филипче.

Филипче додаде дека имаме потпишано писмо до Светската здравствена организација да влеземе во планот за распределба на вакцината тогаш кога ќе биде на располагање.

Министерот за здравство потсети дека Македонија е една од ретките земји која има протоколи за функционирање на бизниси компании, угостителски објекти, плажи,хотели, базени.

Можеби ќе ве интересира: