Пограничен инцидент во водите на Охридското езеро, известени се и албанските органи

Полициски службеници од ПС „Охридско езеро“ на 2 август пред полноќ во с.Радожда, Струшко забележале глисер со албански национални ознаки во кој биле две лица кои превезувале предмети за кои постои сомневање дека потекнуваат од кривично дело, како се движи кон Република Албанија, соопштија од МВР.

„По издадена наредба од полициските службеници за запирање на глисерот, пријавените не ја испочитувале наредбата и со глисерот неколку пати удриле во службениот пловен објект, по што еден од полициските службеници испукал четири предупредувачки куршуми, а лицата се упатиле кон с.Лин,.Албанија“, информираат од МВР.

За настанот од страна на МВР се известени пограничните органи на Република Албанија и се преземаат мерки за расчистување на случајот.

Можеби ќе ве интересира: