Двајца новозаразени велешани од коронавирус

Двајца велешани се меѓу новите 85 новорегистрирани случаи на коронавирус во последните 24 часа. Во истиот период, двајца велешани оздравеа од болеста. Најмногу регистрирани новозаразени има во Скопје, кој денеска е единствениот град со двоцифрена бројка на инфицирани.

Во последните 24 часа се направени 1188 тестирања, а 85-те нови случаи на ковид-19 се регистрирани во следните градови:

• Скопје 32
• Куманово 9
• Дебар 3
• Штип 9
• Прилеп 1
• Тетово 1
• Велес 2
• Битола 4
• Кавадарци 6
• Гостивар 7
• Струмица 1
• Кочани 1
• Демир Хисар 1
• Виница 1
• Кичево 7

Битката со коронавирусот ја загубија четири пациенти, двајца од Скопје, еден пациент од Дебар и пациентка од Штип.

Денеска Институтот за јавно здравје регистрира 45 оздравени пациенти, а најмногу има во Тетово и Свети Николе – по 13.

Досега во земјата се направени вкупно 114807 тестирања на ковид -19. Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 11839, бројката на оздравени пациенти е 7664, на починати е 527, а во моментов бројот на активни случаи во земјата изнесува 3648.

Можеби ќе ве интересира: