Новиот сопственик и шеф на Твитер, Илон Маск објави дека ќе ги врати суспендираните сметки на неговите корисници на социјалната мрежа следната недела, доколку тие не го прекршат законот. Запрашани претходно во анкетата на својот профил дали Твитер треба да понуди „општа амнестија на суспендираните сметки под услов да не го прекршиле законот или да испратиле спам на срамен начин“, 72,4 отсто од околу 3,16 милиони луѓе одговориле „Да!“. „Народот кажа, амнестијата почнува следната недела“, напиша Маск на Твитер во четвртокот, на американскиот празник Денот на благодарноста, со пораката „Vox Populi, Vox Dei“ (Гласот на народот е гласот на Бога).
Со таа изрека, во саботата ја рехабилитираше сметката на поранешниот американски претседател Доналд Трамп, кому му беше забранет пристапот до социјалните мрежи по нападот на Капитол во Вашингтон во јануари 2021 година. Лидерот на „Тесла“ и „Спејс Екс“ одлуката за Трамп ја донесе по слична анкета за неизвесна репрезентативност на Твитер, кога тесно мнозинство (51,8 отсто) од 15 милиони гласачи се изјаснија за враќање на републиканскиот милијардер. Илон Маск во неколку наврати објаснуваше дека го купил Твитер затоа што верува дека платформата е „дигитален јавен плоштад“ од суштинско значење за демократијата во светот.
Најбогатиот човек на светот смета дека умереноста на содржината е премногу рестриктивна, но неговата апсолутистичка визија за слободата на изразување предизвикува страв од наплив на злоупотреба – дезинформации, говор на омраза на социјалните мрежи. Затоа, многу брендови веќе ги прекинаа трошоците за реклами на Твитер, што е 90 проценти зависно од тие приходи.
Можеби ќе ве интересира:
