Лазањите станаа едно од омилените италијански јадења на нашите простори. Сочниот сос со месо меѓу неколку редови тенко тесто навистина му дава на јадењето неодолив вкус. Добрата вест е што можат да се направат и во посна варијанта, а вкусот е исто толку добар.
Состојки:
– 1 килограм кора за гибаница
– 1 килограм печурки (шампињони)
– три главици кромид
– три лажици брашно
– 1,5 литар топла вода
– 300 грама растителен кашкавал
– сол, бибер
Подготовка:
На масло пропржете ги ситно исечканиот кромид и печурките, зачинете по вкус и оставете малку да се изладат. Три лажици брашно пропржете во масло во длабок сад, налејте еден и пол литар топла вода и измешајте да се скршат грутките.
Во подмачкана тава наредете три кори, премачкајте ги со сосот од брашно, па со филот од печурки и изрендајте кашкавал. Повторете ја постапката додека не се потроши целиот материјал.
Последната кора само премачкајте ја со сос и печете во рерна загреана на 180 степени околу половина час додека не порумени. Пред сервирање на лазањите, исечете ги на квадрати и посипете ги со уште малку кашкавал.
Уживајте
Можеби ќе ве интересира:
