Агенцијата за одземен имот продава три стана во Велес и еден стан во Скопје

Агенцијата за управување со одземен имот ќе продава неколку стана одземени од криминалци кои вршеле кривични дела. Како што наведуваат од Агенцијата, станува збор за конфискуван имот, имотна корист и одземени предмети во кривична и прекршочна постапка. Одлуките за продажба на овие станови се донесени од Владата.

Станува збор за продажба на недвижности на второ јавно наддавање по електронски пат. Огласот е распишан завчера, а јавното наддавање ќе се изврши на 30 овој месец. Во Велес, ќе се продаваат неколку станови, и тоа – првиот од 43 метри квадратни, вториот од 76, третиот од 71, потоа гаража од 20 м2, подрум од 11 м2 и помошна просторија од 8 м2.

Содржината продолжува под рекламата

Почетна цена е утврдена од Министерството за правда и намалена за една четвртина од проценетата вредност, или вкупно се проценети на 2.516.902 денари, односно 40.925 евра. Наддавањето за овие станови ќе почне во 9 часот и ќе трае 15 минути. Крајниот рок за поднесување на пријавите за учество исто така е 28 јуни до 15.30 часот. Повеќе детали за продажбата можете да видите  на овој линк.

Можеби ќе ве интересаира: