![](https://batali.net/wp-content/uploads/saz6824.jpg)
Во изминатиот период полициски службеници од ПС за БПС Велес констатираа бројни неправилности во врска со несовесно паркирање од голем број на возачи кои ги паркираат своите возила на места наменети за паркирање на лица со посебни потреби, оневозможувајки им го паркирањето на оние на кои им е најмногу потребно.
Содржината продолжува под рекламата
Постоењето на овие паркинг места е одговор на потребата оваа категорија на лица кои имаат потешкотии при движењето, качувањето, симнувањето да им се олесни влегувањето и излегувањето од нивното возило или возилото во кое се превезуваат. Факт е дека паркинг треба да има достапен за сите и вистина е дека во Велес се бара паркинг плус, меѓутоа, тоа не значи дека треба да се узурпираат паркинзите определени за овие лица кои имаат реална потреба да го
скратат патот на движење до објектите.
Содржината продолжува под рекламата
Оттаму, СВР Велес упатува апел до сите возачи учесници во сообракајот да ги почитуваат посебно обележаните местата за паркирање наменети за лица со инвалидитет на подрачјето на Град Велес.
Казната за паркирање на возило на места означени како паркинг за лица со посебни потребни изнесува 180 евра, но на крај, покрај санкционирањето на несовесните возачи се друго е одраз на нивото на нашата општествена култура и свест. Да бидеме сите совесни возачи, да бидеме сите хумани кон нашите сограѓани со посебни потреби.
Можеби ќе ве интересира: