![dimce-arsovski](https://batali.net/wp-content/uploads/dimce-arsovski.jpg)
По повиците од СДСМ Христијан Мицкоски да се повлече од претседателската функција во ВМРО-ДПМНЕ, како што ветил пред изборите, од опозициската партија денеска одговорија дека тоа би било кукавички чин.
На новинарско прашање во однос на барањата на СДСМ за оставка на претседателот на ВМРО-ДПМНЕ Христијан Мицкоски, портпаролот Арсовски рече дека ова прашање веќе е одговорено и претходно од страна на партијата, од страна на претседателот на партијата Мицкоски.
„Сега би било кукавички чин оставка во овие околности, кога Зоран Заев и СДСМ буквално ја тероризираат и ја крадат цела држава. Така да сметам дека ова е завршена тема на којашто не би имале што повеќе да додадеме, така да подобро да се фокусираме на криминалот кој што го прави СДСМ“, кажа портпаролот на опозицијата Димче Арсовски.