![bitkoin](https://batali.net/wp-content/uploads/bitkoin.jpg)
Биткоинот се искачи на највисокото ниво од почетокот на мај, поттикнато од крипто иницијативите во кои се вклучени главните играчи од традиционалниот финансиски сектор.
Најголемото дигитално средство порасна за цели три проценти за да се тргува за 28.720 долари во Сингапур, со што закрепнувањето на токенот оваа година достигна 74 проценти. Во плус се и Етер, Кардано и Солана, пренесува Блумберг.
Биткоинот е зголемен за повеќе од пет проценти, што е највисоко ниво од почетокот на мај, според Coin Metrics. Овој потег ја турна неговата месечна добивка во зелено. Етер додаде 3,7 проценти на 1.786,25 долари. Се уште е минус за повеќе од четири проценти во месецот, пишува SEEbiz.
Сентиментот во криптовалутата е висок од крајот на минатата недела, кога BlackRock, најголемиот менаџер на средства во светот, поднесе барање за прв спот биткоин ЕТФ во САД. Поднесувањето доаѓа една недела откако Комисијата за хартии од вредност ги тужеше две од најголемите крипто берзи, Binance и Coinbase. Многумина шпекулираа за тајмингот на потегот на BlackRock, особено со Coinbase како партнер за чување на криптовалути.
Потоа, во вторникот наутро, нова крипто берза поддржана од финансиските гиганти Чарлс Шваб, Fidelity Digital Assets и Citadel Securities објави дека е активна веќе неколку недели и дека тргува со биткоин и етер.
Fidelity активно го следи развојот на криптовалутите од 2014 година. Во изминатите неколку години, компанијата го лансираше одделот за дигитални средства на Fidelity и создаде апликација за малопродажни инвестиции без провизија наречена Fidelity Cripto.