Еден од најголемите кошаркарски таленти во светот, Лука Дончиќ, ќе го напушти Далас и ќе се пресели во Лос Анџелес Лејкерс! Во една од најголемите и најнеочекувани трговии во НБА лигата, Дончиќ по речиси седум години во редовите на Маверикс се приклучува на „езерџиите“, тим кој ги исполнува амбициите за освојување на титули.
Како дел од оваа спектакуларна размена, Далас ќе ги добие Ентони Дејвис, Макс Кристи и првиот пик на драфтот за 2029 година, додека Јута игра клучна улога во трокраката трансакција која ги потресува основите на лигата. Дончиќ, еден од најдобрите играчи во НБА, ќе го предводи Лос Анџелес, додека Дејвис ќе ја зајакне составата на Маверикс и ќе формира смртоносен тандем со Кајри Ирвинг.
Овој трејд е вистинска бомба за НБА светот, а и самиот факт дека легендарниот тандем на Лејкерс, Леброн Џејмс и Ентони Дејвис, се распаѓа, е нешто што никој не го предвиде. Се очекува дека оваа размена ќе ја промени динамиката на лигата и ќе донесе нови предизвици за најголемите тимови во НБА.
