Многу важна победа за приклучок во горниот дел од табелата реализираа кошаркарите на Борец Баскет во минатото коло. На гостувањето во Скопје беа подобри од Партизан Водно Санс (92:78). Доволно за делба на петтата позиција заедно со екипата на Шкупи.
Денес во спортската сала „Гемиџии“ со почеток од 17 часот ќе го одиграат вториот меч од вториот дел од сезоната а противник ќе им биде лидерот на табелата Чаир 2030. Во првиот дел од сезоната, велешани беа високо поразени со 84:55. Сепак од таборот на Борец Баскет очекуваат да ја продолжат победничката серија.
Содржината продолжува под рекламата
Гостите од Скопје имаат само еден пораз во досегашниот тек од првенството, додека Борец Баскет има половичен успех од шест победи и шест порази. Натпреаврот Борец Баскет – Чаир 203 може да го следите во живо на фејсбук стриминг сервисот на Батали.нет
Можеби ќе ве интересира:
