Натпреварот од Купот на Македонија помеѓу Еурофарм Пелистер 2 и Борец Фруитленд нема да се одигра, откако велешкиот тим пристигна во Битола со само девет ракометари – бројка која е под минималниот услов од 12 играчи потребни за одигрување на официјален натпревар, според правилникот на Ракометната федерација на Македонија.
Со ова, битолскиот состав службено ќе биде запишан како победник со резултат 10-0 и ќе го чека исходот од дуелот меѓу Вардар и Бутел Скопје, со кој ќе се бори за пласман на завршниот Фајнал фор турнир во Купот.
Според пропозициите на РФМ, секој тим мора да има минимум 12 играчи (или 10 во женска конкуренција) за да може натпреварот да се одигра. Отсуството на доволен број ракометари ја доведе екипата на Борец Фруитленд во ситуација да го загуби мечот без борба.
