Бројот на заразени лица во Црна Гора расте, од понеделник, построги мерки и полициски час

По неколку дена по ред потврдувајќи повеќе од 200 заразени лица, црногорските здравствени власти најавија построги мерки од понеделник во општините со најголем процент на заразени со коронавирус, вклучително и полициски час и маски за секој постар од пет години.

Во моментов се активни 3630 случаи, што е 576 на 100 илјади жители. Епидемијата се разгоре по политички митинзи за време на парламентарните избори кон крајот на август.

Досега 155 лица починаа од ковид-19 во Црна Гора, а во последните четири дена здравствените власти на таа земја забележаа 17 жртви на коронавирус.

Можеби ќе ве интересира: