Бугарските државјани К.О.И.(51) и Г.Е.М. (56), двајцата од Благоевград се уаапсени денеска во Скопје откако со измама се обиделе да земат 20.000 евра од 65-годишна жена од Скопје, лажејќи ја дека нејзината ќерка прегазила дете и дека тие ќе и помогнеле за да не оди во затвор, дознава 24 Инфо.
Станува збор за лицето од чие апсење објави фотографии Слободен Печат.
Вчера (13.09) на 65-годишната жена од Скопје на телефон и се јавило непознато лице кое се претставило дека наводно е полициски началник и и кажало дека нејзината ќерка предизвикала сообраќајна несреќа, при што згазила дете и ако сака да ја спаси од затвор требало да му даде 20.000 евра. Оштетената му рекла дека има дома само 7500 евра, а другите пари ќе ги даде дополнително. Измамникот и рекол парите што ги има да ги даде веднаш, а останатите наредниот ден, па оштетената околу 16:00 часот на локација во општина Аеродром ги дала парите на, за неа, непознато лице. Денеска, измамникот повторно се јавил околу 7 часот, по што оштетената го пријавила случајот во Полициска станица Аеродром.
Веднаш по добиената пријава, полициски службеници од СВР Скопје презедоа соодветни мерки и активности за приведување на измамниците и дадени се насоки на оштетената како да постапува.
Откако на подрачјето на општина Центар оштетената му ги дала парите на измамникот, тој е лишен од слобода и утврдено е дека станува збор за К.О.И.. Веднаш потоа е приведена и Г.Е.М., која го чекала во ресторан, во близина на местото каде К.О.И. беше лишен од слобода. Кај нив се пронајдени пари кои потекнуваат од кривични дела. К.О.И. во службен разговор го призна делото, а признал и дека на сличен начин измамил лице од Кавадарци и лице од Охрид.
„По документирање на случајот, во координација со ОЈО ќе биде поднесена соодветна кривична пријава. Апелираме до граѓаните да внимаваат и да не наседнуваат на вакви измами, а веднаш кога ќе се посомневаат дека некој измамник сака да ги изамами, случајот да го пријават во најблиската полициска станица“, велат од МВР.
Извор на веста: slobodenpecat
Можеби ќе ве интересира:
