![Mila Carovska](https://batali.net/wp-content/uploads/mila-carovska.jpg)
Училишните екскурзии оваа година не може да се организираат, но според упатставата од Бирото за развој на образованието (БРО) ќе може да се прават заеднички прошетки на учениците и наставниците до пет километри, за да може да има и социјализација, изјави денеска министерката за образование Мила Царовска.
Министерката најави дека постои можност наставниците кои држат онлајн настава во училниците, наставата да продолжат да ја спроведуваат од дома, поради тоа што, како што посочи, нема потреба од расфрлање со финансии.
Учебната година, поради пандемијата, за првпат оваа година започна подоцна од вообичаеното, односно, на 1 октомври. Со физичко присуство, наставата ја следат учениците од прво до трето одделение, како и ученици во училишта за кои владина комисија даде „зелено светло“ дека има услови за одржување на ваков тип настава. Сите останати, наставата ја следат онлајн, преку Националната платформа за онлајн учење.
Mожеби ќе ве интересира: