Како ќе се преминуваат границите кон соседите, дали и ние ќе бараме тестови ако се бара тоа од нашите граѓани, како ќе се изведе тоа, дали ќе се задржат тестовите на одење и на враќање, се теми за кои одлука, според министерот за здравство Венко Филипче, треба да се донесе денес, иако се најавува и се дискутира одамна. Филипче најави дека денеска би требало да реши сѐ во однос на можноста за патување во странство за македонските граѓани.
„Нашата анализа покажува дека цел регион е во ист епидемиолошки ризик. Утрово имавме дискусија, ќе продолжиме и утре и ќе донесеме одлука. Денеска ќе разговараме и со министерствата за здравство во околните земји. Во однос на тоа дали и ние ќе бараме тестови, ако при влез на една земја од наши граѓани се бара тоа, можам да кажам дека тоа ќе биде една од темите. Има и други опции, како на пример потпишување на документи за следење, што на почетокот на коронкризата се практикуваше во авион“, изјави Филипче на вчерашната прес конференција.
Можеби ќе ве интересира: