Доналд Трамп даде формално одобрување новоизбраниот претседател Џо Бајден да започне со преземањето на власта

Моменталниот претседател Доналд Трамп прифати транзиција на власта, иако вети дека ќе продолжи да се бори за оспорување на резултатите на изборите.

Дозволата за да започне транзицијата на власта се случи откако официјални лица од сојузната држава Мичиген синоќа го сертифицираа Бајден за победник на претседателските избори, а тоа наскоро се очекува да го сторат и властите во Пенсилванија.

Доналд Трамп синоќа на Твитер потврди дека препорачал да започнат првичните протоколи за предавање на власта.

„Препорачувам Емили Марфи и нејзиниот тим да направат што треба во однос на првичните протоколи и му кажав на мојот тим да го направи истото“, напиша Трамп.

Марфи е администратор во Службата за општа администрација (ГСА), и синоќа таа испрати писмо до новоизбраниот претседател Бајден дека нејзината канцеларија е подготвена да започне со формално предавање.

„Оваа улога ја сфаќам сериозно и поради најновите случувања кои вклучуваат правни предизвици и потврда на резултатите од изборите, денес го испраќам ова писмо за да ви ставам на располагање средства и услуги“, напиша Марфи во писмото до Бајден.

Одлуката на претседателот доаѓа по речиси три неделна неизвесност со непризнавање на резултатите, повикувајќи се на нерегуларности како гласање на починaти или отселени лица, двојно гласање или гласање под принуда.

Можеби ќе ве интересира: