Еден велешанец е меѓу новите 40 случаи на заразени со коронавирус. Батали.нет дознава дека заразениот велешанец бил вработен во фабриката за автобуси “Ван Хол”, каде што првите заразени се појавија пред десетина дена.
Министерството за здравство објави дека во последните 24 часа двајца велешани оздравеле.
Во последното деноноќие направени се 549 тестови и откриени се нови 40 позитивни на коронавирус. Оваа бројка не оди во прилог на олабавување на мерките пред претстојниот празничен викенд.
Според местото на живеење, новите 40 позитивни се од следниве градови:
- Скопје 26
- Куманово 1
- Прилеп 1
- Тетово 10
- Велес 1
- Битола 1
Од вкупниот број направени тестови во изминатото деноноќие 209 теста се во рамките на скринингот. Денеска е потврден еден позитивен случај-вработен во градинка во Скопје.
На Клиниката за инфективни болести и фебрилни во Скопје состојби почина 56 годишен пациент од Прилеп, лекуван на клиниката од 12 мај.
Вкупната бројка на ковид дијагностицирани во нашата земја од почетокот на епидемијата изнесува 1898, бројката на оздравени пациенти е 1378, на починати е 111, а во моментов бројот на активни случаи во земјата изнесува 409.
