Филипче: Во февруари ги добиваме првите дози на Фајзер вакцината

Република Северна Македонија во февруари ќе ги добие првите дози од вакцината на „Фајзер“, соопшти пред малку министерот за здравство, Венко Филипче, на социјалните мрежи.

Според него, денеска попладне постигнат е директен договор со компанијата, а количината ќе биде позната во текот на следните недели.

„Република Северна Македонија во февруари ги добива првите дози на Фајзер вакцината. Денеска попладне постигнавме директен договор со компанијата, а количина ќе биде позната во текот на следните недели“, соопшти Венко Филипче.

Министерот Филипче додаде дека ова е одлична вест за сите граѓани и прв чекор кон конечна победа над пандемијата. Во јануари се очекуваат и фрижидерите за складирање на овие вакцини и со тоа македонскиот здравствен систем ќе биде целосно подготвен за вакцинацијата.

Можеби ќе ве интересира: