Млад велешанец е повреден денеска во сообраќајна несреќа, откако со неговиот мотор со кој управувал, се удрил со автомобил. Несреќата се случи околу 13:20 часот, во близина на Стар мост. По несреќата веднаш била повикана брза помош.
„Сообраќајната несреќа ни беше пријавена во 13:25 часот и кога стигнавме на местото, затекнавме мотоциклист, роден 2000 година, со површни повреди на потколеница. Згрижен е на лице место и транспортиран на хирушко одделение во велешката болница“, изјави др. Васе Пановска Поп Стефанова, началничка на Итната медицинска помош во Велес.
– реклама –
– реклама –
Од велешката болница велат дека по укажаната помош, пациентот е пуштен дома.
„Донесен е пациент на одделот за хирургија од страна на ИМП на 18 г. возраст, повреден во сообраќајна несреќа , пациентот се здобил со лесни телесни повреди, направени потребни иследувања и пуштен на домашно лекување“, рече др. Елеонора Јованова, портпарол на велешката болница.
Полицијата изврши увид на местото на несреќата.
Можеби ќе ве интересира:
