Ивица Илиев и Тоше Ончев кои комбинираа 20 гола и беа најзаслужните за првата победа на домашен терен за велешкиот ракометен суперлигаш, екипата на Фруитленд Борец. Во рамките на 12 коло од ракометната Супер лига, Фруитленд Борец го совлада составот на Струга со резултат 37:30.
Велешани тргнаа фуриозно уште од самиот старт, па до 20 минута од натпреварот имаа и предност од плус седум 14:7. По тајм аутот на гостинскиот тренер Наум Танески, Струга се созема и се врати на 16:13, но тоа беше се што успеаја да направат, До крајот на натпреварот Фруитленд Борец на крилата на Ончев и Илиев ја одржуваа предноста од плус четири, за да во финишот само го зголемата водството за конечни 37:30.
За велешкиот тим ова беше втор триумф сезонава со што го престигна денешниот ривал на табелата. Во следното коло во Велес ќе гостува двократниот европски шампион екипата на Вардар 1961.
