Ракометарите на Фруитленд Борец и Радовиш, втор пат сезонава одиграа нерешено. Овој пат во Велес во интересен и изедначен натпревар велешани и радовишани ги поделија бодовите одигрувајќи 30:30. Одлична партија кај велешани прикажа новото засилување Марио Миланов со 10 постигнати погодоци, додека за гостите настапија довчерашните играчи на Фруитленд Борец, Ивица Илиев и Славјан Паунов.
Во текот на целиот натпревар, радовишани имаа водство, но домаќините со кратки серии доаѓаше до израмнување. На 40 секунди до крајот од натпреварот, при резултат 30:30, ударот домашниот ракометар Бариша Цвитановиќ го одбрани Паунов по што следуваше тајм аут на гостите. Радовиш можеше да ги освои бодовите во последниот напад, но ударот на Постов беше блокиран.
Со овој освоен бод Фруитленд Борец се искачи едно место погоре на табелата и сега 10 пласиран со седум освоени бода. До крајот на регуларниот дел остануваат уште три кола, по што ќе следи плеј -аут разигрвањето. Во наредното коло Фруитленд Борец гостува во Скопје кај екипата на Бутел.
