Со утринска молитва во сите џамии, 45 минути по изгрејсонце, започна празнувањето на Рамазан Бајрам. Бајрам се смета за еден од петте столбови на исламот и празник за духовно и телесно прочистување. Во сите џамии, денеска се служи утрински Бајрам-намаз.
Празникот, кој трае три дена, го означува крајот на едномесечниот строг пост, во кој верниците се воздржуваа од храна и пијалоци од зора до зајдисонце.
Рамазан Бајрам е неработен за сите граѓани, со оглед дека годинава се падна во недела, неработен е утрешниот ден, понеделник (31 март).
