18 годишен штипјанец ја нападнал и ја ранил својата малолетна невенчана сопруга вчера попладне, на улица во близина на Градскиот пазар во Велес.
На 13.07.2021 год. од полициски службеници од СВР Велес е лишен од слобода Е.А.(18) од Штип, бидејќи околу 16.30 чaсот на ул.„Нада Бутникошарева“ во Велес, физички ја нападнал неговата невенчана 17-годишна сопруга, исто така од Штип, при што со остар предмет ѝ нанел повреди. Таа била пренесена во болницата во Велес за укажување на лекарска помош.
По овластување на Јавен обвинител бил извршен увид од страна на увидна екипа од СВР Велес. По документирање на случајот ќе следува соодветен поднесок.
Велешкото обвинителство до судијата на претходна постапка на Основен суд Велес поднесе предлог за определување мерка притвор против осомничениот. Предлогот е прифатен и на осомничениот му е определен притвор во траење од 30 дена.
Mожеби ќе ве интересира:
