Еден од најголемите скандали во македонскиот фудбал во годината која што измина беше новиот стадион во Велес. За овој стадион, Фудбалската федерација на Македонија од фондовите на ФИФА и УЕФА потроши многу пари, а ефектот е катастрофален, пишува порталот Спортманија.
Теренот на стадионот повеќе личи на некое запуштено поле, отколку на место каде што треба да се игра фудбал.
Токму затоа, новото раководство на ФФМ, донесе одлука да испрати инспекција и да се добие вистинската слика за тоа како и до каде се работите околу овој проект. Треба да се детектира зошто овој објект за кој е вложено толку многу пари, изгледа како што изгледа сега, односно како запустено поле и кој е одговорен за тоа.
Батали.нет пред неколку дена објави видео на кое се гледа каква е моменталната состојба во која се наоѓа ова игралиште.
Извор на веста: Спортманија
