Терористичката ИД презеде одговорност за смртоносниот напад во Виена што се случи синоќа. Тоа се нагласува во соопштението на ИД на нивните канали на Телеграм.
Во пропагандна порака, терористичката група ја поздрави смртта и ранувањето на 30 „крстоносци“ од страна на „војник на калифатот“, пренесува „Индепендент“.
ИД сподели видео на кое Фејзулаи Кујтим, терористот што го изврши синоќешниот напад во Виена, му се заколнува на лојалност на својот водач, Абу Ибрахим ал-Хашими ал-Кураши, на арапски јазик.
Тој позираше со автоматска пушка, пиштол и мачета со која беше вооружен за време на нападот.
Во синоќешниот терористички напад во Виена загинаа четири лица, меѓу кои и напаѓачот, 20-годишен приврзаник на Исламска држава, кој беше убиен од страна на полицијата. Во нападот се повредени 17 луѓе.
Moжеби ќе ве интересира:
