Футсал екипата на Кеги Моби вечерва, 19 часот, во спортската сала „Гемиџии“ ќе го одигра осмиот натпревар во сезоната. Противник е екипата на Железарец од Скопје, кој ќе биде нов голем предизвик за избраниците на тренерот Панче Нанев.
По минатонеделното реми во Кавадарци, против екипата на Црна Река, велешани ќе се обидат да стигнат до првиот триумф и да го избегнат дното на табелата.
По седум одиграни кола, Кеги Моби е последен на табелата со само два освоени бода. Железарец пак е петти со девет освоени бода.
