Лишен од слобода 31-годишен маж откако претходно бил пријавен за семејно насилство

Tетовската полиција во текот на вчерашниот ден регистрира два случаи на пријави за семејно насилство, а на едниот случај приведен е 31-годишник.

Вчера во 10 часот и 45 минути, полициски службеници на СВР Тетово го лишиле од слобода 31-годишниот тетовец А.Б., кој претходно бил пријавен од неговата мајка дека извршил семејно насилство.

„Тој е задржан во Полициската станица Тетово за расчистување и документирање на случајот, а со потврда му бил одземен и нож, информира Марјан Јосифоски“, портпарол на СВР Тетово.

Подоцна околу 14 часот, 41-годишна жена со нејзината 71-годишна мајка во СВР Тетово пријавиле дека околу 8 часот и 45 минути на улица „Иво Лола Рибар“ во Тетово биле физички нападнати од нејзиниот сопруг Т.Т. (47) од Тетово, со кого подолго време имале нарушени брачни односи. Полицијата работи на расчистување на случајот. 

Можеби ќе ве интересира: