Драги мои велешани, измина уште една година која ни покажа дека кога сме заедно и сплотени можеме многу. И токму тоа е она што ќе го посакам и за наредната 2025 година – заедно стигнавме до овде, заедно и да продолжиме.
Ќе продолжиме со решавање на клучните потреби на велешани за промена на мрежата за улично осветлување уште во првите недели од годината, изградбата на подземната катна гаража ќе започне за неколку месеци, а ќе направиме се што можеме за изградба на нов мост кај Башино село во втората половина на годината. Ќе продолжи тековното уредување и разубавување на Општината, а 2025 година повторно ќе изобилува и со бројни културни и спортски настани.
Ви посакувам убави празнични денови со најблиските и година исполнета со остварени соништа.
Со желби да се радуваме заедно за бројни убави моменти, среќна Нова 2025 година!
