Група граѓани попладневно околу 15 часот се собира на местото каде што вчера беше усмртено девојче кај училиштето Васил Главинов, кое заедно со нејзината мајка се движеле по пешачкиот премин. Целта е како што велат да се изрази сочувство и љубов кон семејството, но и знак на бес и револт кон како што го нарекоа, проклетникот кој не се ни свртел позади себе.
Да потсетиме, oд ударот, мајката паднала на земја и се здобила со тешка телесна повреда, додека девојчето на возраст од 11 години било исфрлено значително нанапред, во близина на следниот пешачки премин кај училиштето „Васил Главинов“ и од здобиените повреди починало. Возачот кој што ја предизвикал сообраќајната несреќа воопшто не запрел, туку со голема брзина го напуштил местото на настанот.
Полицијата го пронајде возилото, но возачот е се уште во бегство и трага по него. Неговиот идентитет полицијата го знаеше уште синоќа при увидот кој го правеше заедно со јавен обвинител. Регистарска табличка од возилото била пронајдена на местото на несреќата.
Moжеби ќе ве интересира:
