ООУ “Блаже Конески” – Велес, вчера го одбележа својот патронен празник. Пред преполниот поливалентен простор на училиштето, учениците изведоа перформанси, пееја и танцуваа во пресрет на новогодишните и божиќните празници.
Оваа година манифестација се одржа под мотото „Снегулки рој, желби безброј“. Новогодишната бајка го исполни училиштето со безброј позитивни емоции. Снегулки, ангелчиња, многу замислени желби и детски насмевки кои не го оставија никој рамнодушен.
