Центарот за управување со кризи известија дека сообраќајот се одвива во отежнати зимски услови и сите патни правци во Велес и велешко се проодни и редовно се чистат.
„Патот до село Раштани е исчистен, а и кон село Бузалково патот е прооден, и кон село Сливник е исчистено, така да сега и кон село Баница е прооден , со што се поврзува со Општина Чашка. Патот кон село Иванковци е исчистен од ЈП Македонија пат денес е исчистено само на места каде од силниот ветар имаше наноси. Во Општина Чашка сите патни правци се проодни. Со два трактора и една машина се расчистуваат улиците од страна на Комуналното претпријатие. Во Општина Градско, исто така, престанаа врнежите од снег и сите патни правци се проодни и редовно се чистат. Во текот на денот, 2 трактора и 1 Скип го исчистија патот кон село Водоврати, и кон село Подлес“, известија од РЦУК Велес.
Од Центарот потсетуваат дека, ако се планираат патувањата заради временските метеоролошки прилики и според дестинацијата е пожелно да се следат информациите од медиумите за временската состојба и состојбата на патиштата, согласно информациите од надлежните институции и служби.
