69-годишен маж од Свети Николе почина денеска во велешката болница како последица од компликации со ковид-19. Тој бил хоспитализиран пред два дена, имал позитивен тест на коронавирус и бил во тешка состојба.
Бројот на хоспитализирани пациенти со ковид-19 или сомнителни случаи во велешката болница денеска изнесува 77. Од нив, 63 се со потврден позитивен тест, 11 се сомнителни случаи, а тројца се со негативен тест. Вкупно 23 пациенти се со потешки симптоми на вирусот и добиваат кислородна поддршка. На инфективното одделение се лекуваат 50 пациенти, на интерното одделение има 13, а на одделението за физикална терапија 14 пациенти.
Од почетокот на пандемијата се заразија 1313 велешани, од кои 538 ја добија битката со коронавирусот, а 39 починаа. Во моменто има 736 активни случаи.
Можеби ќе ве интересира:
