Претставата „Нема струја за електричниот стол“ од современиот бугарски писател Александар Секулов, а во режија на Дејан Пројковски, ќе има премиера вечерва во 20 часот на сцената „Петре Прличко“ во Народниот театар „Јордан Хаџи Константинов-Џинот“ во Велес. Ова е прва премиера за велешкиот театар годинава. Станува збор за црна комедија, дуодрама во која улогите ги толкуваат Васил Зафирчев и Исидор Јованоски.
Содржината продолжува под рекламата
За режисерот Пројковски, претставата зборува на еден современ сценски јазик, со многу технологија, анимација, видео. Таа е специфична во изразот и претставува спој помеѓу театарот и филмот.
Содржината продолжува под рекламата
Овој мултимедијален проект има за цел да ги преиспита границите меѓу сценското дејство, филмскиот израз и видеоанимацијата преку постојаното претопување на различните медиуми во единството на театарската претстава.
Драматург на претставата е Сашо Димоски, Филип Коруновски е автор на сценскиот дизајн и на плакатот за претставата и како коавтор на видеодизајнот и анимациите заедно со Борче Конзулов. Музиката за претставата и нејзината изведба во живо се на Сашко Костов, а камерите во претставата се на Данчо Стефков и на Александар Костов.
Можеби ќе ве интересира:
