Велешанец на возраст од 56 години се бори за живот, откако утрово беше тешко повреден во сообраќајна несреќа во населба Тунел.
Велешанецот се движел со мотор, кога во близина на игралиштето во населбата, според очевидци, паднал, а на него налетал камион, кој го прегазил. Повредениот веднаш е префрлен во велешката болница.
„Утрово околу 7 часот е донесен пациент на 56 годишна возраст со тешки телесни повреди. Тој е интубиран, реанимиран и во коматозна состојба, околу 8 часот е транспортиран на скопските клиники“, рече Весна Николовска Неделкова, портпарол на СВР Велес.
Полицијата направи увид на местото на несреќата, а повеќе детали се очекуваат во текот на денот.
Можеби ќе ве интересира:
