Полицијата вчера изрече рекордни 82 казни на велешани кои не носеле маски. За истиот прекршок во Кавадарци се изречени 17 казни, а во Неготино девет граѓани кои не носеле маски, ќе мора да платат глоба од 20, односно 10 евра.
„Во период 01./02.10.2020 год. за непочитување на Уредбата за носење на лична заштита казнети сe 108 лица, и тоа, 82 во Велес, 17 во Кавадарци и девет во Неготино.“, соопшти Верољуб Додевски, портпарол на СВР Велес.
Казните се изрекуваат според член 6 став 1 од Уредбата за носење на лична заштита на лицето.
