Од Основен суд Велес информираат дека е закажано рочиште со доверителите за фабриката за шински возила Велес ДООЕЛ попозната како Колска за одлучување за предлогот и гласање за планот за реорганизација изготвен од должникот. Рочиштето е закажано на 19 март во 10 часот во судот во Велес.
„Поведена е претходна постапка за испитување на условите за отворање на стечајна постапка со постапка за реорганизација по изготвен план за реорганизација над должникот Друштво Фабрика на шински возила Велес ДООЕЛ, со седиште на улица Алексо Демниевски-Бауман број 69“, објавено е на веб страницата на Основен суд Велес.
„По испитување на неговата уредност, стечајниот судија ќе постапи согласно одредбите од Законот за стечај“, информираа од Основниот суд Велес.
