Од денеска започнува исплатата на пензиите, еве како е распоредот

Од денеска започнува исплатата на септемвриските пензии. Владата претходно го задолжи Фондот на пензиското и инвалидското осигурување на Северна Македонија да ги достави податоците за пензиите до деловните банки најдоцна до 27.09.2021 година (денеска), со препорака деловните банки да обезбедат пензионерите да може да располагаат со септемвриските пензии преку мрежата на банкомати и во трговската мрежа од 28.09.2021 година.

Исплатата на пензии за клиентите кои не користат картички е во четири групи според следниот распоред составен според висината на пензијата:

Содржината продолжува под рекламата

– За пензии со висина до 11.000 денари, исплатата да се изврши на 28.09.2021 година (вторник);
– За пензии со висина 11.001-14.000 денари, исплатата да се изврши на 29.09.2021 година (среда);
– За пензии со висина 14.001-18.000 денари, исплатата да се изврши на 30.09.2021 година (четврток); и
– За пензии со висина над 18.001 денари, исплата да се изврши на 01.10.2021 година (петок).

Moжеби ќе ве интересира: