Рекорден број на заразени со коронавирус се регистрирани во земјава во последните 24 часа. Вкупно 107 граѓани се инфицирани со Ковид-19, од кои, најмногу има во Куманово, вкупно 44.
Следува Скопје со 28, Прилеп со 11, Битола со 6, Тетово 5, Велес 4, Гостивар и Дебар со 2 и Струга, Кавадарци, и Штип со по 1 еден заразен.
Со ова вкупниот број на дијагностицирани случаи во државава достигна 1.081 лица.
Според местото на живеење, досега се регистрирани случаи во: Скопје – 367, Куманово – 306
Дебар – 51, Штип – 32, Прилеп –100, Тетово – 48, Струга – 50, Велес – 40, Битола –15, Охрид –7
Кавадарци – 4, Гостивар –12, Гевглелија – 4, Струмица – 2, Крива Паланка- 4, Радовиш – 4, Крушево – 3
Кочани – 26, Пробиштип – 2, Кичево – 2, Неготино – 2.
Во однос на состојбата на хоспитализираните лица, осумнаесет пациенти се со потешка клиничка слика и на кислородна поддршка, а пет пациенти се на механичка вентилација.
Во однос на починати лица, изминатото деноноќие утврден е еден смртен случај. Се работи за пациент од Струга.
Вкупниот број на починати лица кај кои е дијагностициран вирусот Ковид-19 достигна 46 лица.
