Министрите за здравство од Г7 на итна средба, повод е ширењето на „Омикрон“

Министрите за здравство на земјите од Г7 денеска на состанок свикан итно од страна на британските власти ќе разговараат за ширењето на новиот сој Омикрон на коронавирусот.

Лондон веќе најави мерки за борба против ширењето на Омикрон. Сите оние кои пристигнуваат во Велика Британија мора да направат ПЦР тест и да останат во карантин додека не бидат достапни резултатите.

Зараза со опасната варијанта на коронавирусот е потврдена кај 13 патници кои со два лета пристигнале од Јужна Африка во Холандија. Вирусот е потврден и во Белгија, Велика Британија, Германија, Италија и Чешка.

Во меѓувреме, Европскиот центар за превенција и контрола на болести предупреди дека новиот вид е поотпорен на вакцините и се шири побрзо.

Moжеби ќе ве интересира: