![saso mijalkov](https://batali.net/wp-content/uploads/sudenje-titanik-2-taci-mijalkov-2aaaa.jpg)
По становите во Охрид и парцелата во с. Моране, Скопско, Мијалков засекогаш останува и без три апартмани во комплексот „Панорамика“ на Водно кои ги вложи за слободата во истрагата за предметот „Империја“ и перењето пари за кое беше осомничен.
Агенцијата за управување со одземен имот во 3 часовна електронска аукција со наддавање успеа да продаде 3 станови. Еден со големина од 78 квадрати и 2 по 73 метри квадратни. За сумата од 332 илјади евра, која ќе се слее во државниот буџет, продадена е и гаража во општина Центар.
Но, продажбата на имотот на поранешниот шеф на тајната полиција не оди како подмачкана. За пакетот акции во 8 компании вреден 350 илјади евра не се јави ниту еден заинтересиран купувач.
На последната продажба, пак, и претходеа пријави за закани и заплашувања кон директорот на агенцијата, но заплашувачите за јавноста останаа непознати.
Во случајот „Империја“, Сашо Мијалков призна вина и се спогоди со Обвинтелството, а казната беше три години затвор и одземање на имот вреден над 15 милиони евра, меѓу кои 25 станови и парцелата до хотелот „Мериот“, но и 6 милиони евра готовина.
Можеби ќе ве интересира: