Комисијата за заштита на конкуренцијата може да изрече казни во висина до 20 илјади евра доколку утврди постоење на договори кои промовираат нефер трговски практики, изјави Марјан Ристески, заменик-министер за економија и труд. Тој потсети дека Законот за нефер трговски практики започна со примена од почетокот на годинава.
„Законот е усогласен со директивата на Европската Унија од 28 септември, но паричните казни се воведоа од јануари. До крајот на минатата година спроведувавме мониторинг, а сега законот е целосно применлив“, истакна Ристески.
Во законот регистрирани се 26 нефер трговски практики, кои опфаќаат над 2,500 прехранбени производи , меѓу кои и овошјето и зеленчукот. Казните за прекршителите се движат до 20 илјади евра за големите трговци.
