Од ноќеска на полноќ ново поскапување на горивата

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1) се зголемуваат за 1,00 денар/литар, додека малопродажната цена на ЕУРОДИЗЕЛ (Д-Е V) се зголемува за 0,50 денар/литар, најави Регулаторната комисија за енергетика.

Новите цени на нафтените деривати се следните: ЕУРОСУПЕР БС – 95   – 69,50 (денари/литар), ЕУРОСУПЕР БС -98    – 71,50 (денари/литар), ЕУРОДИЗЕЛ БС (Д-Е V)   – 62,00 (денари/литар)
Масло за горење Екстра лесно 1 (ЕЛ-1 – 62,00 (денари/литар)
Мазут М-1 НС 36,009 (денари/килограм).

Според анализите на регулаторите, во изминатиот седумдневен период сите референтни цени на светските берзи во просек бележат зголемување: бензинот за 1,681%, дизелот за 1,934%, екстра лесното масло за 1,962% и кај мазутот зголемувањето е за 2,07%.

Можеби ќе ве интересира: