Од полноќ нови повисоки цени на горивата

Бензините од ноќеска на полноќ поскапуваат за еден денар за литар, а цената на дизелот се зголемува за половина денар за литар, одлучи денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 0,5 отсто.

Содржината продолжува под рекламата

Новата малопродажна цена на ЕУРОСУПЕР БС-95 ќе изнесува 84 денари за литар, ЕУРОСУПЕР БС – 98 ќе се продава за 86 денари за литар, ЕУРОДИЗЕЛ БС (Д-Е V) за 84,50 денари за литар, а Екстра лесното масло за домаќинство се намалува за еден денар и ќе се продава за 82,50 денари за литар.

Содржината продолжува под рекламата

Минимално покачување има и кај цената на мазутот која сега ќе изнесува 41,346 денари за килограм. Цените на автоплинот и метанот остануваат исти.

Можеби ќе ве интересира: