Општина Градско и Центарот за развој на Вардарски плански регион заеднички во подобрување на патната инфраструктура

Општина Градско потпиша договор со Центарот за развој на вардарски плански регион за подобрување на патната инфраструктура во подрачјата со земјоделска дејност и обработливи површини – Реконструкција и санација на пристапен пат до земјоделски обработливи земјиште во општина Градско од село Виничани до м.в. Свети Илија – (Ѓорѓиица) во должина од вкупно 900 метри (500м+400м).

Средствата се обезбедени од Министерство за земјоделство, шумарство и водостопанство.
Реализација на проектот се очекува по завршување на постапката за јавна набавка кон почетокот на месец септември.

Покрај овој проект Центарот за развој на Вардарски плански регион обезбеди уште две инвестиции која ќе овозможат регионален развој и е поддршка на аграрните политики за развој на нашите села.

Реконструкција на пристапен пат до земјоделско обработливо земјиште во Општина Чашка, месност с.Војница – место викано Дрење, во должина од 600 метри и санација на пристапен пат до земјоделско земјиште во месноста Солена Вода, Општина Неготино, во должина од 700 метри.

Можеби ќе ве интересира: